時間 : 4,5年前的某一個晚上
地點 : 九龍城TB
人物 : 友人H, 友人?, 康, 輝, 培, 傑, 斌
友人H : 啦, 今晚出嚟傾下我地一齊攪間band房! 下個月每人攞1皮野出嚟, 友人?依家無工開, 就由我出住先, 你地有無問題呀?
斌 : (諗都無諗, 懶醒就話) 我無問題! (心想: 其實好窄, 問亞媽度住先應該得嘅....?!)
培 : (心存疑問但係有錢, 答住先啦) 我ok嘅...
輝 : (存有不相信別人的心咁話) 你地無問題我就無問題架啦?!
康 : ........ (因當時無野做, 所以保持沉默)
傑 : 1皮野無問題, 康無野做我幫佢出住先啦... (心諗: 先算啦...)
前傳講到呢度先, 其實只係想同依家做個比較...
幾年前, 以為攪band房好易, 有錢就可以, 但係, 睇番依家, 我地1年前開始儲錢, 有一定數目嘅時候就開始搵單位, 睇器材, 攪裝修, 搬運物資, 做setting...
回應返K之前嗰個post:
問題：攪Band房?
弱者答：係唔係咁易攪呀
強者答：有幾難攪呀
攪band房真係唔係咁易攪, 但我相信我地仍然會答："有幾難攪呀", 因為我地每人都唔計較咁付出時間, 精神甚至體力, 最緊要我地會聽唔同嘅意見, 然後一齊討論, 一齊嘗試, 呢個精神喺一個團隊裡面極為重要, 相信依家做到, 將來都做到, 因為我地係Lastday, 係一體的! We Stand As One!
熱切期待努力嘅成果!
B @ Lastday
