最近，認識到兩個新朋友，佢地都係玩bass嘅，以下係同佢地嘅對話:
《與朋友C對話》
朋友C：「你玩咗音樂幾耐？」
我：「八年幾九年咯，一開始就係玩bass，好慚愧，玩咗咁多年都係玩得麻麻，其實對支bass都仲係唔太熟識...」
朋友C：「哈哈... 咁多年都同同一班人玩呀？！」
我:「係呀！」
朋友C：「嘩！勁喎！通常一隊band好少會夾到咁多年，大家有唔同嘅意見同方向，人事上好難處理得好，通常一兩年就散，我都係呢個原因，所以冇同死一班人夾，依家得閒同呢班人玩，得閒同嗰班人玩下咁囉~」
我：「.......」
《與朋友V老公對話》
朋友V指住佢老公：「佢上個禮拜喺灣仔嗰間bar出show呀...」
我望住朋友V老公：「原來你都玩音樂ga，你玩咩呀，我都有夾band，八九年咯，我玩bass嘅，其實大多數時間係比bass玩緊，哈哈哈...」
我個爛到爆嘅gag令到朋友V老公呆咗兩秒：「......， 我都係玩bass嘅，其實原先負責結他的，但冇人玩bass，所以我就去學埋bass囉~」
我問：「同呢隊band夾咗幾耐呀？通常喺邊度夾？」
朋友V老公答：「都有八九年啦，多數旺角總統囉。」
我懶勁咁講：「通常一隊band好少會夾到咁多年，大家有唔同嘅意見同方向，人事上好難處理得好，通常一兩年就散...」
朋友V老公：「人事上我地就冇乜問題呀，可能我地唔似你地有間band房啦，每個星期都可以約齊人夾下，我地個個唔係有家室就係好忙，可能只係一至兩個月先夾到一次，所以個個都好珍惜一齊夾band嘅時間，好少有爭拗。」
我：「.......」
B@Lastday
