今晚坐的士返屋企的時候,一上車,聽到一段非常熟悉的Intro,不其然自己哼出一句"I can break away..."
對,正是張國榮的"暴風一族 Remix"
隨著強勁的節拍,自然地唱出"拳頭無聊怒撞晚空 如像灰色鐵鏈撞裂街中的風...."
40餘歲的司機大佬淡淡地說"乜你都啱呢d歌咩?"
"係呀,張國榮ar ma!"我乖乖的回答.
他自豪的說"咁就要較好聽d啦..." 說罷,就將那套JVC音響系統作出調較.
忽然間, 車尾的一對喇叭立刻開動, 那環迴立體聲再配合加強了的重低音, 心中不禁暗讚"係好野喎"...
緊隨著"暴風一族",另一首我久違了的喜愛,在那狹小的車箱中響起...
"不 信是這樣 不想太心傷, 偏 會是這樣 他跟你一雙 共渡晚上..."
呢首係"WHY?", 同樣係REMIX版...
OH...唔知點解我那刻異常興奮,連心跳也加速起來,可能係我太耐無聽這兩首歌的關係吧!
但最奇怪的是,我竟然可以一字不漏的背出所有歌詞...
畢竟,張國榮的歌曾經係我的最愛吧...
今晚,音樂將張國榮,司機大佬同我拉在一起.
B @ Lastday
沒有留言:
張貼留言